ESTE POEMIÑA XA TEN SETE ANOS.

**********************************************

Pois de Ferrol me mandaron

tres bicos nun ramalliño,

quén che me dera

sabere, moreniña salgada,

quén me ten tanto cariño, 

ti zagaliña dourada,

a que me diches os bicos

naquela encrucelada,

onde sempre me enamorico.

.

* * *

O SOÑO

-

Dime ti querido soño,

por que teño que soñar

as cousas que eu no quero

e que nas poido a redar

-

Eu sei que vives conmigo

e no teu poder me suxéito,

a que me mostres camiños

camiños que non desexo.

-

Hai outro soño que é *lira

lirismo do sentimento,

que che devora durmido

e che devora esperto.

-

E nada tes que facere

coas cousas do desexo,

mais non querendo querer

sacias a fame dos membros.

-

Se as quimeras son brisas

e os soños son os ventos,

déixame soñar esperto

todos os soños que penso.

-

¿Por qué me achegas as sombras 

e sepárasme os ceos?

-

E ¿por qué hei de beber 

certos viños que non bebo?

-

Ti bríndasme verdes vales,

e de flores os carreiros

e de escumas os camiños

e de amores os teus beizos.

-

Outras veces me trasladas

ata as fosas dos infernos

para ver ríos de sangue

e o gran aspecto dantesco.

-

Ás veces soñas con cousas

que non teñen fundamento

e cando cho estou contando

vexo que non teñen xeito.

-

E cando vivo soñando

nunca sei se estou desperto

ou totalmente durmido,

sen mover o pensamento

pero sempre é a memoria

quen lle pregunta ao cerebro:

Cántos soños eu soñei

e cal deles o primeiro?

-

Unhes os *recordas antes,

outros os lembras sen xeito,

e vas pensando e pensando

e aparécenche máis eidos

-

algúns os ves *algo tortos

mais outros os ves dereitos,

e como sigas pensando

pensas nos soños de cedo

un que xa no lembrabas 

-

quen sabe xa canto tempo

e pensas por que soñaches

e que algo vén a xeito,

daquel personaxe culto

ou daquel personaxe necio.

-

Ás veces pensas se é certo

o que soñaches durmido,

cando sentado e esperto,

pensas que foron as musas

que tes pechadas no peito. 

                         Fco. de Sotavento