Escanchademos do aire,
cabra vella da silveira,
catalexo da vil sombra,
sombra da negra calexa.
Feiticeira, vella bruxa,
pantalona, mandileira,
escondida, lingua longa,
melindrosa, vaca vella.
Fuxe de nós. fuciñoca,
nós, non queremos lavercas,
nin outras aves que falen
das nosas limpas ideas.
Ollos de pega saltona,
ala de corvo, noxenta,
pirica da rebordela,
uña de vaca xurrenta.
Poldrona da herba limpa,
fúxe de nós vella besta,
afora da nosa horta,
afora da nosa leira,
e non papedes máis figos
da nosa pobre Figueira
pois dilles aos ventos listos…,
e aos fillos dos comenencias,
que non lle esgacen as pólas
á nosa insigne Figueira...
No hay comentarios:
Publicar un comentario